Свет не заканчваецца ля дзвярэй дома

Харэаграфічная мініяцюра “Свет не заканчваецца ля дзвярэй дома” створана ў 1999 годзе спецыяльна для салістаў балета Юліі Дзятко і Канстанціна Кузняцова – для паказу на Міжнародным фестывалі сучаснай харэаграфіі ў Віцебску.

Раду Паклітару прысвяціў гэту мініяцюру памяці выдатнага педагога і рэпетытара, заслужанага артыста Рэспублікі Беларусь Аляксандра Смалянскага, які больш за 30 гадоў служыў беларускаму балету.

За стварэнне харэаграфічнай мініяцюры “Свет не заканчваецца ля дзвярэй дома” Раду Паклітару быў узнагароджаны Першай Прэміяй на Міжнародным конкурсе імя Сержа Ліфара ў Кіеве.