Карсар

Пралог

I карціна. Бура, караблекрушэнне
Трое смельчакоў на парусным караблі змагаюцца з марской стыхіяй. Паруснік гіне…

Першы акт

II карціна. Лагуна
На беразе, каля абломкаў карабля, што прынеслі марскія хвалі, – тры юнака, якім пашчасціла ўратавацца. Іх знаходзяць дзяўчыны-грачанкі. Медоры асабліва спадабаўся адзін з іх – Конрад. Ён расказвае пра сябе, пра сваіх сяброў Алі і Бірбанта і прызнаецца, што яны – марскія піраты, карсары. Набліжаецца атрад турэцкіх салдат. Медора і Гюльнара хаваюць карсараў, аднак самі трапляюць у палон.
Гандляр рабамі Ісак Ланкедэм задаволены тым, што яму ўдалося высачыць прыгажунь і прывесці атрад. Ён шчодра расплачваецца з афіцэрам. Карсары клянуцца выратаваць дзяўчын.

III карціна. Рынак
Ланкедэм паказвае сваіх нявольніц купцам, што сабраліся на рынку. На ганаровым месцы сядзіць Сеід-паша, які жадае атрымаць маладых дзяўчын у свой гарэм. Яго ўвагу прыцягвае Гюльнара, і ён купляе яе.
Гандляр рабамі паказвае Медору. Яна такая прыгожая, што Сеід-паша гатовы купіць яе за любыя грошы. Тым часам з карабля сыходзіць знатны купец. Медора пазнае ў ім Конрада. Ён падае дзяўчыне знак, каб яна не выдавала яго. «Купец» пачынае таргавацца і называе за яе вельмі высокую цану. Сеід-пашу гэта вельмі здзіўляе. Ён прапаноўвае багацею-незнаёмцу назваць сябе. «Купец» і яго світа скідаюць сваё багатае адзенне і перад уражанымі Сеід-пашой і гандлярамі паўстаюць узброеныя карсары. Яны выкрадаюць Медору, Ланкедэма, ўсіх зняволеных і ўплываюць на караблі. Турэцкая варта ўжо не можа спыніць іх. Сеід-паша ў шаленстве.

Другi акт

IV карціна. Грот карсараў
Карсары задаволеныя багатай здабычай, якую яны захапілі ў купцоў. У гонар выратаваных прыгажунь яны наладжваюць свята. Дзяўчыны цешацца танцамі карсараў. Медора танцуе з Конрадам і яго сябрам Алі. Карсары ў захапленны хараством выбранніцы кіраўніка.
Дзяўчыны просяць Медору ўгаварыць Конрада адпусціць іх дадому. Конрад дае згоду, але Бірбанта разам з іншымі карсарамі пратэстуюць. Яны патрабуюць пакінуць дзяўчын на выспе. Пачынаецца сварка. Нарэшце ў Конрада атрымліваецца настаяць на сваім. Разам з Медорай ён адыходзіць каб правесці дзяўчын на бераг.
Да карсараў падкрадаецца Ланкедэм. У абмен на сваю свабоду ён прапануе дапамагчы адпомсціць Конраду. Карсары згаджаюцца і Ланкедэм аддае ім снатворнае зелле. Узрадаваны Бірбанта пасыпае зеллем ружы і загадвае Ланкедэму перадаць букет Конраду.
Хітры Ланкедэм аддае кветкі Медоры і дзяўчына дорыць іх Конраду ў знак удзячнасці за вызваленне сябровак. Калі Конрад засынае, карсары выкрадаюць Медору. Конрад прачынаецца і бачыць, што яго каханая знікла. Ён клянецца знайсці і вызваліць яе.

Трэцi акт

V карціна. Гарэм Сеід-пашы
Сеід-паша цешыцца хараством Гюльнары. Новыя зняволеныя, якіх яму прапаноўвае Ланкедэм, яму не падабаюцца. Тады ў выдатны «ажыўлены сад», які ўтвараюць сабой дзяўчыны, гандляр рабамі ўводзіць Медору. Сеід-паша ў захапленні, ён купляе яе.
У выглядзе паломнікаў у палацы з’яўляюцца карсары. Сеід-паша запрашае іх на вячэрнюю малітву. Сярод «паломнікаў» Медора пазнае Конрада. Выбраўшы момант, карсары вызваляюць дзяўчын.

Эпілог

VI карціна. Мора
На вольным караблі, які нясецца пад усімі ветразямі ў бушуючым моры – Конрад, Медора і іх сябры…